lunes, 30 de abril de 2012

Os medios ante a revolución dixital

O diario El País está a publicar unha serie de vídeos sobre a situación dos medios de comunicación tradicionais e os cambios que sofre o seu entorno a raíz da (r)evolución que a tecnoloxía está a vivir nos últimos tempos.

Nestes vídeos, seis expertos en medios e internet analizan os cambios que afectan ao xornalismo. Podes ver o primeiro vídeo aquí.

martes, 3 de abril de 2012

Os traballadores queren mercar Público

Dende que pechou a edición en papel do diario Público e só quedou a web, Mediapro, a empresa propietaria do xornal, anda a buscar comprador para a cabeceira. E pode que cheguen a atopalo no sitio menos esperado: os propios traballadores.

A través de www.maspublico.org e de www.hacefalta.info os traballadores de Público están a crear cooperativas para ver de mercar a cabeceira para a que traballan. Os primeiros xa crearon unha campaña de cofinanciación en Verkami.

Via: Periodismo Real.

lunes, 26 de marzo de 2012

Autocrítica no xornalismo

Se hai algo do que falamos moito neste blog é da crise do xornalismo e do seu futuro. Ambos temas van da man e resulta pouco menos que imposible falar dun e deixar de lado ao outro. Pero sempre se fala de dentro para fóra (a crise da publicidade, a influencia das novas tecnoloxías) ou pensando en abstracto (o modelo de negocio). Non hai unha reflexión real e profunda sobre as causas desta crise nin dun punto de partida cara ao futuro. Non hai autocrítica

E precisamente desto fala Jesús Martínez no seu blog: da ausencia dun pensamento crítico dentro do xornalismo que permita á profesión saír adiante e abrir novos camiños; do que supuxo o abuso de poder dos medios fronte á sociedade; da perda de facto da etiqueta de "cuarto poder"...

Recoméndovos ler o artigo completo, que leva por título Periodismo sin autocrítica, periodismo muerto. Pode ser un pouco amarelo, pero non deixa de ser certo.

martes, 28 de febrero de 2012

Arredor de Público

O peche dun xornal é sempre un drama por todo o que implica. Dende as dimensións macrohumanas, coma a pluralidade informativa, ata as simplemente humanas, que moitas veces son máis importantes, como son os despidos masivos de profesionais (non só xornalistas). E sempre rematamos falando da necesidade dun xornalismo indepentedente e obxectivo.

Agora ben, "puede ser independiente un diario que pertenece a un grupo mastodóntico, con intereses en el mundo editorial, televisivo y cinematográfico, que arrastra deudas descomunales y depende tanto de bancos como de alternativas políticas?", pregúntase Javier Pérez de Albéniz no seu artigo Alrededor de Público.

jueves, 23 de febrero de 2012

El País, El Mundo e ABC compartirán plataforma de contidos

Aínda que sempre se dixo que a necesidade agudiza o inxenio, o certo é que non sempre é así. Ás veces o que pasa é que se forman parellas inimaxinables ou, incluso, tríos certamente inconcebibles. É o caso do último movemento das grandes empresas españolas de comunicación.

Dada a crise do xornalismo que levamos vivindo dende hai anos (e que fundamentalmente é unha crise de ingresos publicitarios), surxiron diferentes opcións para ver de conseguir que os lectores pagasen por ler os contidos na web. O habitual no estranxeiro é que cada un faga a guerra pola súa conta e que traten de impoñer unha barreira de pago propia.

lunes, 20 de febrero de 2012

Sobre Diario de Galicia, o primeiro xornal galego da democracia

Houbo un tempo, antes de internet, no que en Galicia tivemos un xornal con vocación galeguista. A aventura durou menos de un ano pero deixou aberta unha porta que logo seguiron outros medios. A piques de cumplirse o 14º aniversario do seu lanzamento, Marcos Pérez Pena entrevista a Denís Fernández Méndez, autor dunha tese doutoral sobre "a xestión xornalística e económica" do Diario de Galicia.

Así comeza a nova:

O primeiro número do Diario de Galicia apareceu o 12 de marzo de 1988, completando un proxecto que fora tomando forma ao longo da década dos oitenta e que nacía cos apoios do sector galeguista do PSOE e dalgunhas persoas próximas a Esquerda Galega. Nacía nun Vigo e nunha Galicia emerxente e en transformación, cun extraordinario equipo de profesionais e un deseño innovador, obra de Pepe Barro, seguindo o ronsel do USA Today e doutras cabeceiras na onda dos novos xornais postelevisivos. Chegou a vender nove mil exemplares diarios.

Segue léndoa en Praza pública.