Os medios ante a revolución dixital

O diario El País está a publicar unha serie de vídeos sobre a situación dos medios de comunicación tradicionais e os cambios que sofre o seu entorno a raíz da (r)evolución que a tecnoloxía está a vivir nos últimos tempos.

Nestes vídeos, seis expertos en medios e internet analizan os cambios que afectan ao xornalismo. Podes ver o primeiro vídeo aquí.

Autocrítica no xornalismo

Se hai algo do que falamos moito neste blog é da crise do xornalismo e do seu futuro. Ambos temas van da man e resulta pouco menos que imposible falar dun e deixar de lado ao outro. Pero sempre se fala de dentro para fóra (a crise da publicidade, a influencia das novas tecnoloxías) ou pensando en abstracto (o modelo de negocio). Non hai unha reflexión real e profunda sobre as causas desta crise nin dun punto de partida cara ao futuro. Non hai autocrítica

E precisamente desto fala Jesús Martínez no seu blog: da ausencia dun pensamento crítico dentro do xornalismo que permita á profesión saír adiante e abrir novos camiños; do que supuxo o abuso de poder dos medios fronte á sociedade; da perda de facto da etiqueta de "cuarto poder"...

Recoméndovos ler o artigo completo, que leva por título Periodismo sin autocrítica, periodismo muerto. Pode ser un pouco amarelo, pero non deixa de ser certo.

Diferenzas entre o xornalismo tradicional e o xornalismo web (II)

O outro día falabamos por aquí das diferenzas entre o xornalismo tradicional e o xornalismo web centrándonos únicamente nas estructurais, esto é, as que parten do soporte. Hoxe, tal e como prometemos o outro día, falaremos das impostas pola diferenzas na xestión do tempo duns medios e doutros.

Do mesmo xeito que no caso do soporte, o tempo, ou a súa xestión, deriva unha serie de vantaxes e problemas para o papel e a web.

Diferenzas entre o xornalismo tradicional e o xornalismo web (I)

Un dos temas recorrentes deste blogue vai ser a chamada crise do xornalismo tradicional (aínda que Xosé Manuel Pereiro xa dixo que "antes da crise económica, antes que a dos soportes xa había a crise da propia profesión") polo que penso que primeiro hai que aclarar o punto de partido desta polémica: Que diferenzas hai entre o xornalismo tradicional e o xornalismo web?

Basicamente todas as diferenzas que se poidan comentar parten de dúas que son puramente estruturais: O soporte e o tempo. Así dito, pode resultar unha obviedade, pero as súas ramificacións deixan de ser triviais para converterse en condicionantes fundamentais á hora de traballar.

En versión esquemática son as que se ver na seguinte táboa:

Para non facer esta entrada demasiado longa, hoxe imos debullar as relativas ao soporte. Noutro post falaremos das impostas polo tempo.